LEUNGITEUN BAPA

save from: www.brixcms.com

Angin leutik nu kamari

Masih karasa hiliwirna
Dangdaunan ting aroyag, ngadadahan
Kalakay milu miang teu pamit ka dahan

Manehna indit ngolebat jeung layung beureum
Asa inget asa poho
Asa karasa kanyaahna asa henteu
Asa bapa asa lain
Lara teh asa kabina-bina

Diri nu leungiteun puntangan
Diri nu leungiteun paneang napkah
Disuluran, diasupan kaasih kunu jadi indung
Nu jati pamageuh ati panengtrem kolbu

Keueung mangsa aweuh leungeun bapa

Aya kanyeri, aya kasiksa, asa kaleungitan
Kanyeri geus ngamuara
Jeritna ati nu nalangsa taya tangan pangawasa
Leungiteun bapa.

Yasana: Intan Ratutria

*)Dibuat untuk memenuhi tugas ujian praktek SMP Negeri 1 Campaka,- Intan Ratutria